逃犯條例

即時港聞

下一篇
上一篇

【Emily Online】數十人避催淚煙走入半島酒店 無Gear市民:無諗過第一次入半島係因為「避難」

今日(27日)下晝有示威者喺尖沙嘴梳士巴利花園集會,無幾耐警方就喺太空館外放催淚彈,唔少無裝備嘅途人爭相走避,附近嘅半島酒店成為「避難所」。當時有份「避難」嘅市民陳先生影低「歷史一刻」,事後喺facebook出帖大讚半島酒店。陳先生同Emily講,住半島酒店咁貴,無諗過成世人第一次入半島,係因為要「避難」,大讚半島處理手法好好。

無gear嘅陳先生話,警方放催淚彈嗰陣,好多普通市民、遊客同酒店職員企咗喺酒店噴水池附近,後來唔知係咪因為大風,催淚煙飄過去酒店,有酒店保安就揮手示意大家入去酒店暫避。佢記得,當時大約50人入咗去半島,隔離食緊嘢嘅市民無咩反應,如常食嘢,形容畫面都幾有趣。大家喺大堂停留咗大約10分鐘,再經另一度門離開。唔少網民事後大讚半島係「良心酒店」,呼籲大家日後要去半島「大大力懲罰」,有網民又講笑話唔夠錢「懲罰」,要開始儲錢。

半島酒店回覆記者查詢話,由於酒店附近有催淚彈,部分路經嘅人因受到催淚彈影響入咗酒店暫避,酒店無幾耐之後決定關上大門,以確保客人安全;酒店已經恢復正常運作。

相關報道:

各區示威.不斷更新

尖沙嘴集會.不斷更新

相關字詞﹕逃犯條例 反修例 尖沙嘴集會 尖沙嘴 半島酒店 編輯推介

上 / 下一篇新聞