逃犯條例

即時港聞

下一篇
上一篇

【禁蒙面法】梁志祥開會疑不知規例已生效 陳淑莊:生咗效十幾日喇,醒未呀?

特首林鄭月娥會同行政會議引用《緊急法》訂立《禁止蒙面規例》(禁蒙面法),本月5日凌晨零時起生效,林鄭月娥4日稱,會以「先訂立,後審議」方式提交規例予立法會審議。立法會《禁止蒙面規例》小組委員會今早(22日)首次開會,民建聯梁志祥稱,若未能於12月4日完成立法程序,禁蒙面法將自動生效;公民黨陳淑莊回應指出,《規例》已「生咗效喇!十幾日喇!醒未呀?」

委員會今早選出民建聯黃定光及新民黨容海恩,分別擔任正、副主席。其後會議期間,梁志祥稱根據會議日程,禁蒙面法須於12月4日或之前立法,「若立唔到就會自動生效,係咪?」言論隨即引起在場議員嘩然,但梁志祥疑仍未知自己出錯,批評其他人「反應過敏」、「係咪真係驚(禁蒙面法)立得成呀?」,並再追問是否有足夠時間於12日4日前完成立法程序。

委員會主席黃定光表示,「何謂足夠呢?我都唔清楚」。梁志祥回應:「即係今日嘅效率就唔夠喇係咪呀?」黃定光反駁「今日都幾有效率吖, 大家都坐喺度」。

陳淑莊其後發言時指出,會議「無效率」是因為「啲議員唔做功課,居然連條條例生咗效都唔知,簡直係奇蹟呀!」她表示,根據禁蒙面法立法程序時間表,《禁止蒙面規例》於本月4日刊憲、5日生效,「今日22號喇阿哥,生咗效喇!10幾日喇,醒未呀?嘩,真係奇蹟到呢……」梁志祥則以左手托腮,未有再回應。

逃犯條例 相關報道:

廚師涉旺角襲警提堂 准保釋獲撤宵禁及禁足令

7.21遇襲者家屬批警調查「歎慢板」

涉襲防暴警圖搶槍 30歲紮鐵工再被拒保釋

涉8.25荃葵青遊行 中大生及社工再提堂否認控罪

女乘客就8.31太子站事件興訟小額向港鐵索償 官稱不能下令港鐵披露閉路電視片

相關字詞﹕禁蒙面法 禁蒙面法香港 禁蒙面法條例 禁止蒙面規例 禁制令禁蒙面 反蒙面法 蒙面法 蒙面法口罩 逃犯條例 反修例 遊行 示威 集會 民建聯 梁志祥 公民黨 陳淑莊 編輯推介

上 / 下一篇新聞