逃犯條例

即時港聞

上一篇

【Emily Online.逃犯條例】港鐵更新Chatbot 「基哥」不再答反修例資訊

近日港鐵App入面以吉祥物「基哥」做主角嘅對話機械人(Chatbot)成為網上熱話,唔少網民輸入同反修訂《逃犯條例》風波相關嘅關鍵詞,都獲得「貼地」回應,例如輸入「Tear gas」或「催淚彈」,基哥會建議「葵芳站」;輸入「克警」,基哥建議去灣仔「香港警察總部」,或者「尖沙嘴警署」等。

港鐵發言人傍晚回覆Emily話,留意到有關情況,解釋App入面嘅「基哥」Chatbot係採用AI技術,為乘客提供即時互動查詢嘅功能,畀乘客可以更方便快捷搜尋港鐵站出入口資訊,而呢啲資訊係運用港鐵自身資訊,以及結合市場上公開資料,從而提供車站周邊地標嘅查詢。

據Emily了解,有關「市場上公開資料」,其實即係Google搜尋器嘅資料。有知情人士就透露,Chatbot一般具備「學習」功能,當網民短期不斷喺Google搜尋相關資訊,其實都會即時更新到Chatbot。

港鐵話,會不時留意「基哥」學習進度,當發現顯示結果有異常,會適時跟進兼調整。據知,港鐵嘅Chatbot唔會顯示粗口、違法事項資訊,但因應近期反修例風波,為咗確保資訊準確,避免令人混淆,已經更新咗Chatbot顯示結果,日後輸入反修例風波嘅關鍵詞,都唔會再有結果。

逃犯條例 相關報道:

【Emily】反修例問「基哥」 網民讚答案貼地

晚上示威情況

大律師公會稱警太子站無差別施胡椒噴劑 第五度促設獨立調查

民權觀察關注集會人群沾熒光染料 警否認:無要求飛行服務隊配合行動

【831】前法庭書記睹警太子站毆乘客疑患PTSD 向警務處長索償5000元

相關字詞﹕逃犯條例 香港逃犯條例 移交逃犯 修訂 影響 諮詢 台灣 引渡條例 協定 商界 修訂逃犯條例 移交逃犯內地 中港移交逃犯 立法會 香港引渡協議國家 保安局 遊行 反修例 反修例遊行 示威 林鄭 林鄭月娥 政府 港鐵 基哥 編輯推介

上 / 下一篇新聞