財政預算案

即時港聞

下一篇
上一篇

【Emily Online】陳茂波FB直播收逾九成「嬲嬲」 自嘲:我沒頂咗架啦

財政司長陳茂波今日下畫喺fb直播收集新一份《財政預算案》意見,唔少網民提出問題,但主持人王祖藍喺直播尾聲時,應網民要求點算所收到嘅「嬲嬲」數目,結果超過九成嘅表情符號係「嬲嬲」,司長自嘲一句「我諗我沒頂咗架啦」。

直播由下晝4點到5點,喺淨番差不多7分鐘嘅時候,有網民要求王祖藍點算「嬲嬲」數目,王祖藍馬上數,結果係1207個「嬲嬲」、52個讚、25個心心、15個笑、10個喊、7個驚訝。王祖藍連隨好淡定咁話,「好值得鼓舞嘅數字」,之後又一句「食好多波餅呢一劑」,司長就一直仍然保持笑面,回應咗句「我哋加油做好啲」。喺節目臨完結前,王祖藍再話,啲「嬲嬲」唔止上到個鼻,而係上到眼眉,司長就自嘲一句「我諗我沒頂咗架啦」。

相關報道:【派錢4000元】陳茂波:今次令大家不方便,真是不好意思

其他報道:上水反水貨遊行遇「愛港行動」 兩陣對罵 店舖落閘

相關字詞﹕財政司長 陳茂波 fb直播 財政預算案 編輯推介

上 / 下一篇新聞