經濟

下一篇
上一篇

【呼之欲出】樂視下周二公布「重大消息」 曼聯前門將舒米高撐場 (12:47)

上星期先盛傳樂視(Letv)投到未來三季英超香港區轉播權,其後樂視不斷喺官方Facebook造勢,今日重向傳媒發出邀請函,話下周二召開「樂視體育新聞發布會」,公布一項「與國際體育界相關的重大消息」,除了樂視體育CEO雷振劍大駕光臨,曼聯前門將舒米高更會俾面撐場,令投到轉播權嘅猜想繼續升溫。

雖然早前傳媒已經不斷追問樂視消息是否屬實,但發言人只是「耍太極」,話暫時未有新嘢公布;然而另一邊廂,樂視就喺自己Facebook專頁每日post出一些同足球有關嘅帖,重搵埋「男神」王宗堯、足球評述員江忠德影相關海報,又話球隊譯名會用返香港版本,務求令大家繼續聯想。

咁到底樂視係咪真係大「權」在握,大家就要等多一個禮拜嘞!

 

上 / 下一篇新聞