經濟

下一篇
上一篇

【財經花生】打工仔惡耗! 嘉里搵機械人搬貨 (19:04)

嘉里物流(0636)話,公司引入咗6部全自動程式化機械管理人,放喺旗下大埔產品組裝及整合中心(PC3)運作,重揚言話係香港第一間公司用呢類機器。雖然呢6部機械人唔似機械人,但小記曾經見過呢類機構運貨,全程唔使人企側邊,部機自己四圍滑行送貨,方便至極,亦即係呢一浪嘅科技進步,係向本地物流界嘅打工仔開刀。

聽返嘉里講,呢部機專為網上購物潮流而設,佢除咗識自己運貨之外,重可以24小時開工。

當你重喺度拗緊人工係咪包埋超時補水、點解返工剔除飯鐘錢咁折墮嘅時候,而家部機就話你知:老子我飯都唔食,人工都唔收,點睇?

早排先有報道話香港職位流失率係2003年沙士以來最高,今日又傳出大行德銀炒魷二萬,各位身在苦海嘅打工仔,可謂越望越傷心。不過,可能你以為記者咁得戚喺度觀望其他行業裁員,睇得好過癮,但其實早幾日《騰訊財經》已經嘗試用新聞機械人打稿,一早殺到新聞界。

又或者,你以為每日真係有咁多記者喺度打稿?少年,你太年輕了。

鄭智文

上 / 下一篇新聞