經濟

【財經花生】當「911」遇上「811」 (18:57)

今日係「9.11」十四周年,同樣亦係中國「8.11」匯改滿月。

一個月前,中國宣布調整人民幣中間價機制,希望做到市場化,此舉對人民幣進入特別提款權(SDR)的確有幫助,但當人民幣跌得多,央行又話要管制外匯流出、又要喺干預離岸市場匯價。呢個星期,離岸人民幣升幅係3個月以來最大嘅。

中國監管當局對A股和人民幣嘅處理方法,貫徹中國「又要威又要戴頭盔」嘅風格,呢頭話要市場化,果頭跌得多又要救市。芬佬最驚係乜?第一係唔明朗,第二係政府干預價格。Bingo!中國中晒,唔走唔得。

下星期就係雷曼兄弟破產7周年,如果話2008年係美國向歐洲輸出股災,繼而令環球震盪,今次歸咎於中國,絕對無可厚非。但中國當然唔肯認,話係同美國加息有關。

Anyway,下星期就係美聯儲議息會議,究竟今次係咪中國輸出股災,定係美帝唔啱,好快就會揭曉。

廖毅然

相關字詞﹕財經花生 人民幣貶值 美國加息

上 / 下一篇新聞