經濟

翠華中環店今開暫別派對 (13:44)

翠華(1314)設喺中環威靈頓街嘅分店準備大裝修,今晚就同大家舉行暫別派對,到12月裝修完先重開。呢間翠華平日幫唔少夜蒲男女照清身邊人,到最後一日佢都希望為香港人服務,會將今日下晝5點前嘅營業額捐去高錕慈善基金,幫助腦退化病人,可謂功德無量。

今日下晝3點至5點,翠華仲會免費供應下午茶,等客人自由捐款,名額300個,入場票喺上晝11點半分店門前派發,而家門外已經開始出現人龍。

如果感激翠華曾經某個晚上拉你一把嘅話,不妨考慮趁呢個機會去報恩,因為聽日起2個多月嘅時間,你都要暫時失去呢盞苦海明燈。

上 / 下一篇新聞