馬拉松跑手楊錦鴻（金毛）上周五（26日）晚在facebook寫下一句「因為肺癌另（令）到心臟開始衰竭跡（迹）象隨時會離開」，其跑友、同事等隨即在社交平台發文祝福，盼奇蹟降臨。金毛今早（28日）透過facebook報平安，「依（𠵱）兩日大家洗版式支持同祝福我真係好感動，原來跑步令到我人生光譜咁闊同有咁多人愛護」。
「金毛銀河系親朋好友集氣會」今晚透過視像形式舉行，各方好友為金毛打氣。留院的金毛透過視像說：「好多謝你哋鼓勵同支持，我收到晒。I Love You，多謝。」
跑手姚潔貞：對上次與你跑步遇到，其實都好似係冇耐嘅事，而你還在跑，現在得悉你嘅病情進展，內心非常不好受……自己做人父母最記掛就係自己小朋友，不過你有個乖乖孝順囡，同支持度爆棚嘅老婆，好有福氣！
藝人胡諾言：記得有一年出席一個慈善跑步分享會，金毛既（嘅）名字由當時開始聽到，之後就跟呢位跑步高手結緣。我吔一齊跑過步，食過早餐，影過相，做訪問。2019年渣馬330pacer有幸跟著你背影而行。我知道奇續（蹟）一定出現。你會好番，繼續你既（嘅）精彩人生。