民青局「敦煌青年實習計劃」噚日舉行開學禮，20個香港青年即將展開6星期嘅實習，民青局常秘林雪麗（Shirley）親身去到敦煌主持典禮，Shirley仲同實習生一齊參觀洞窟，勉勵實習生把握機會，成為敦煌文化傳承者。
敦煌嘅莫高窟因壁畫同佛像聞名世界，亦都係世界遺產之一。今次計劃嘅實習生會接受敦煌研究院嘅專業培訓，通過考核可成為莫高窟嘅實習導賞員，向世界各地遊客介紹石窟嘅歷史同藝術，推廣敦煌文化。參加計劃嘅實習生話好期待親身感受敦煌千年藝術嘅震撼同魅力，返港後就可以同身邊嘅青年朋友分享所見所聞。
計劃係民青局「民青局內地專題實習計劃」6個項目之一，與敦煌研究院合辦，喺2018年第一次舉辦；其他項目分別會去北京故宮、四川大熊貓國家公園等。