本報發現33名區議員去年在逾八成的大會會議中無發言，當中6人全年大會零發言。民青局長麥美娟今（7日）出席活動後解畫，稱若議員遲舉手，想說的意見已獲表達，為了善用會議時間，不希望重覆意見，指「除非大家想見到，好似以往『拉布』情况⋯⋯開一個會開8個鐘、10個鐘」。
麥美娟指，據她做區議員經驗，相信區議員出席會議前「一定會做好功課，睇好議程」，決定在甚麼議題上表達意見，若舉手遲過其他議員，別人已說了想表達的內容，「一係我就重覆佢講過嘅嘢，一係我就話『我同佢講嘅嘢一樣』，呢句寫落會議紀錄又冇乜意思。」她續說立法會也同理，主席也會提醒議員不要重覆意見，善用會議時間，並反問「你會想區議員8、9個鐘開會，大家重覆又重覆講一樣嘢，然後見到個數字好正，個個都講咗一千幾百次，定區議員善用時間，喺地區接觸、見市民呢？」
她又表示，本屆區議會規定議員出席會議不少於80%，相信出席率是「歷屆之最」，並強調全體區議員已達指派的任務及數字，甚至超標完成。