香港國際七人欖球賽今日開鑼，成為啟德體育園頭炮盛事。運輸及物流局長陳美寶和被譽為「香港飛行員培訓之父」嘅Ian Quinn關奕賢機長合作拍片，宣傳3月30日七欖舉行期間將會重現航機喺啟德鄰近上空掠過嘅歷史畫面。
運輸及物流局喺社交專頁發放片段，Mable局長喺片中提到今次橫跨百年聯乘活動，為紀念舊啟德機場成立一百周年及適逢七欖賽事首次喺啟德舉行，國泰CX8100客機會飛越維港，並喺鄰近上空飛行，見證香港呢個有近200個航點國際航空樞紐，機場客運量達到約195 000人次疫情後單日新高。
Ian Quinn關奕賢機長1996年開始飛行生涯，擁有逾3萬小時嘅飛行經驗，更擔任多年訓練考核機長，本地機師唔少都是Ian徒子徒孫，佢現時係運輸及物流局民航意外調查機構嘅高級意外及安全調查員。佢形容飛行生涯中啟德係佢怠覺刺激嘅機場，喺繁華鬧市中安降落，稍有不就會發生意外，佢話想知道更多啟德飛行故事，賣關子叫大家留意下一集。
相關字詞﹕編輯推介 運輸及物流局；陳美寶；啟德體育園