位於廉署北角總部嘅「一九七四咖啡廳」去年底開張，廉署今日（25日）喺facebook專頁上載宣傳短片，邀請影帝任達華飾演執行處長，捉拿涉嫌貪污同詐騙嘅上市公司主席。當獲悉行動安排新人跟蹤目標人物，佢批評執行處首席調查主任時，引用佢自己嘅經典廣告對白：「成個行動都畀你搞軭哂。」
宣傳短片講述，廉署展開「啡戰行動」，拘捕涉嫌貪污及詐騙逾3億港元嘅上市公司主席「老細」。執行處首席調查主任韋理民粉墨登場，安排名為「豬女」嘅人員跟蹤「老細」險曝光，向任達華力撐新人好醒目，對「豬女」執行任務充滿信心。
最終「豬女」解決危機，任達華從一開始要求韋「捽甩佢」，改為讚賞新人懂得隨機應變，不愧係猛將，並與韋一同飲用廉署咖啡。廉署係片尾賣關子，話如果反應熱烈，好快會播出下一集。