近年港府有意將香港打造成國際高端法律人才聚集高地，舊年成立香港國際法律人才培訓學院。今日律政司司長林定國喺個人Facbook專頁出帖文，恭賀為期兩周嘅研修班喺琴日圓滿結束，25位內地法官成為培訓學院首批「畢業生」。司長亦強調，要將香港與內地法律制度之間的「制度之異」轉化為「制度之利」，發揮兩個制度嘅優勢。
睇翻資料，該研修班喺1月6日開始，25位學員嚟自最高人民法院、廣東省高級人民法院和粵港澳大灣區九市法院。研修班講者就由香港法官和司法人員、資深法律界人士同香港國際法律人才培訓專家委員會成員所組成，司長亦有參與其中，擔任首課節嘅講者向學員介紹香港普通法制度。