走馬上任嘅新文體旅遊局長羅淑佩曾自認「Hellosss」，係男團MIRROR成員陳卓賢（Ian）忠實粉絲，畀人稱係「全港最有權力鏡粉」。今日（8日）被問未來會唔會邀請Ian等MIRROR明星到啟德開騷「搞旺個場」，羅淑佩就回覆話，未來嘅演出嘉賓主辦單會公布，佢亦都會去參與有關演出，鼓勵大家公布時多多支持參與啟德嘅節目。
ViuTV音樂節目CHILL CLUB將於本月20號係啟德體藝館舉行，MIRROR都會出席。有記者就問羅會唔會出席呢個活動，羅淑佩話，香港一直有好多盛事，自己會盡量到場睇，但係就未必每場都去到，有時都會「分身乏術」。