即時港聞

將軍澳發生綁架案 家長紛稱擔心 (15:23)

3歲男童昨日在將軍澳商場被綁架,警方救出事主並拘捕兩人。有目擊者稱,男童事前曾在商場2樓遊樂中心遊玩。今有不少家長帶同子女到該遊樂中心,多名家長均稱對事件感擔心,惟有多看緊小童,並教育子女切勿走開。

葉小姐今午帶同3歲兒子到遊樂中心遊玩,直言「冇得唔驚,自己睇實個小朋友」,若有人要擄走小童,「你點捉住佢,佢都可以扯走你」。她表示平日多帶小朋友到遊樂中心玩耍,事件發生後亦不會減少帶小朋友出外遊玩次數,又估計疑犯不是針對單一商場,直言:「你控制唔到架」、「你唔通因為一件事情唔出街咩」。她表示自己會教育小朋友不會到處亂跑,但強調會更看緊小童,「多啲留意身邊隔離既人」。

婆婆呂太則與5歲孫女到遊樂中心,她指「係驚架,要睇實細路哥」。她稱孫女乖巧,「唔會亂咁走」、「跟我們跟實」。對於香港商場發生擄人事件,她稱自己居港逾40年,一直都覺香港治安良好,沒有想過事件發生,又指「呢啲是大陸應該多,唔係香港,香港係第一次聽」,慨嘆「香港以前都唔會咁,點解會變成咁」。

另一家長鍾女士表示,與孫仔居於附近,但平日不多到兒童遊樂中心遊玩。她透露透過新聞獲知小朋友被擄,事件發生後都「驚緊」,又稱孫仔個性活潑,平日會「周圍走」、「佢鍾意同婆婆跑步架」,但之後會教育小朋友不會到處跑,「有乜嘢都睇住佢先」。

相關字詞﹕

上 / 下一篇新聞