城巴及新巴今年7月正式合併，繼更換司機制服同巴士車身設計後，城巴話巴士站牌亦已陸續換上「全新面貌」，城巴話首階段會更換將軍澳區同西九龍巴士站站旗，再擴展至全港；部分大型轉乘站或巴士總站嘅站牌，未來亦會設有月台編號，方便乘客分辨月台位置。
城巴今（11日）喺社交平台facebook話，新嘅巴士站牌設計會繼續沿用經典「城巴黃」作主色，站牌上印有巨大城巴「大食鬼」標誌，方便乘客離遠就能辨認到城巴嘅巴士站。路線號碼則會以顏色區分，普通路線、特快路線同通宵路線分別會採用黃底黑字、藍底白字發黑底黃字。至於行走特快路線嘅巴士，車頭路線顯示器亦會對應站牌嘅路線顏色分類，並顯示「特快／Express」字樣，期望乘客可清晰辨識「特快路線」。
相關字詞﹕城巴