即時港聞

電動車尖沙嘴撞兩的士 司機自稱「大哥」 佯稱賠償後驅車逃去再「自炒」 (11:23)

凌晨4時許,尖沙嘴一輛Tesla電動車在金巴利道先後撞向兩輛的士後不顧而去,再在柯士甸道自炒撞壆,司機及後棄車逃去。事件中無人受傷,警方正追緝Tesla司機。

該輛Tesla電動車原停泊加拿分道和金巴利道交界,當一輛的士沿金巴利道駛至時,Tesla突然開車,撞到的士左邊泵把。Tesla司機一度下車,稱願意賠償,惟當的士司機上車欲駛至一旁時再商討時,Tesla司機驅車逃離現場,並再撞到另一輛混能的士。Tesla駛至近柯士甸道時,再「自炒」撞向花槽石壆,司機下車逃去。警方及消防接報到場,一度擔心Tesla車內有危險物品,並打破車窗調查。

最先捱撞的士司機周生(68歲)表示,40多歲Tesla司機下車時「笑笑口」,並搭膊頭自稱為「呢條街嘅大哥⋯⋯話呢條街係佢睇嘅」。周稱當時向對方表示「你咁威呀,都唔敢要你多,賠返1000蚊我算,你睇還你睇,我都要交代」,他指對方本身先稱「好呀好呀」,建議的士先倒車。周認為「邊有人為1000蚊走」,故打算倒車,豈料對方突然上車,立即「飆出去,踩到好行,撞埋嗰架的士」,稱駕駛的士10多年來都未遇過類似事件。

至於另一輛混能的士的51歲司機則被揭發欠交罰款,被警方帶署扣查。

相關字詞﹕

上 / 下一篇新聞