勞工處早前推出防中暑指引，但不屬法定要求。勞工及福利局長孫玉菡認為，在本港推出指引協助減低僱員中暑風險，較立法更適合，又指若有僱主再三刻意拒絕跟隨，當局仍可引用職安健條例的僱主一般責任條款追究。不過，孫玉菡認為「香港多數僱主都好有心，係良好僱主」，相信僱主願意跟從。
孫玉菡出席電台節目時指，由勞工處發出有關安全、職業健康的指引，「絕大多數僱主都會跟，點解我咁講，一，香港多數僱主都好有心，係良好僱主，尤其當你都訂一個幾具體、有哂指標、黃紅黑嘅指引，其實你唔去跟，係明顯睇到你無做」。他亦強調即使「呢個（防中暑指引）唔係法定指引，但唔代表最終無一個法律後果」，若當局巡查時再三發現有僱主刻意不跟從指引，而令工作環境有嚴重中暑風險，「唔排除在嚴重狀况下，我會告佢，職安健條例下有僱主一般責任條款，你知而不做，係可以追究」。他形容控告屬最後手段，「一般而言僱主係想跟嘅」。
孫玉菡又認為，由於要顧及工作場所林林總總及不同情况，故當局希望設原則性框架，相信指引彈性較法例更大，承諾當局會大量宣傳解答疑難，希望透過今天夏天讓社會適應指引，減低工友中暑風險。