港聞

Emily Online|狄志遠徐英偉約食晏 飯桌上變「多數派」 (17:40)

第七屆90個立法會議員噚日宣誓就任,新思維立法會議員狄志遠係唯一非建制派,佢早前自認被標籤「1:89」,不過今日狄志遠就同民政事務局長徐英偉「坐埋一枱」,原來徐局長相約一齊飲茶食晏。

徐英偉今日喺facebook上載同狄志遠等新思維成員食飯嘅相,飯桌上一行5人,仲有新思維副主席黃俊瑯同崔定邦,同埋民政事務局長政治助理張進樂。徐英偉話想爭取時間同立法會議員多交流,最好就係邊食邊傾,話平時聽狄志遠話自己係「議會少數派」,但今日喺飯桌上,3名新思維成員就變成多數派,形容係「3:2」。

徐英偉就話,政策交流嘅事情,邊有計比例、數人頭呀,話大家都係想共同推動香港發展,民政、青年、社區發展等議題都可以傾。徐英偉仲預告,會繼續相約立法會議員。

相關字詞﹕立法會 狄志遠 徐英偉 編輯推介

上 / 下一篇新聞