港聞

港康碼.Emily Online|薛永恒聖誕走遍港九新界 視察港鐵站「港康碼」流動支援站 (15:11)

聖誕佳節,唔少一家大細都外出睇燈飾、食聖誕大餐,創新及科技局長薛永恒就另有活動,趁今日(25日)聖誕節走訪港鐵北角、牛頭角同大埔墟站嘅「香港健康碼」(港康碼)流動支援站,了解外展隊點樣協助有需要市民辦理申請手續。佢話明白有市民對數碼科技感到陌生,需要有人從旁協助,唔同政策局同部門會同心協力做好呢項工作。

政府資訊科技總監辦公室話,1月初會增設15個港康碼港鐵流動支援站,分別喺朗屏、上水、烏溪沙、大圍、荃灣西、南昌、紅磡、九龍、太子、九龍塘、黃大仙、何文田、西營盤、灣仔、筲箕灣站。資科辦早前已經安排外展隊,喺另外10個港鐵站設港康碼流動支援站。相關報道:港康碼|外展隊10港鐵站助市民申請

民政事務局早前已經邀請資科辦,為基層社團、同鄉社團同六大善團舉行「港康碼」簡介會;民政事務總署亦喺全港18區設「港康碼」流動支援站,派單張鼓勵市民註冊「港康碼」帳戶。

相關字詞﹕香港健康碼 港康碼 編輯推介

上 / 下一篇新聞