港聞

Emily Online| 馬會跑道經理冀為國際騎師賽提供安全及公平賽道 (00:01)

行船跑馬三分險,騎師同馬匹喺綠茵場上角逐,最緊要梗係草地跑道安全。八十後嘅馬會跑道執行經理劉潔兒(Kiki)就率領近百人團隊,保養跑馬地馬場草地跑道,佢話「草唔識說話,我哋唯有觀看生長狀況,再因應天氣狀況,去決定養草最佳方案。」

浪琴表國際騎師錦標賽星期三晚會喺跑馬地馬場舉行,Kiki話團隊要提供一個公平和安全啂場地,俾海外來港騎師與本地好手喺一個公平安全環境作賽。由於每次跑馬地夜賽,都有大約100匹超過一千磅重馬匹喺跑道高速奔馳,對草地損害嚴重,部分草皮更會被馬蹄踢起,形成一個又一個窿。Kiki喺賽事翌日會安排跑道護養員修補草皮,因應草地破損形狀,度身訂做修補方法,並管理整體跑道疏水力及軟硬度。

Kiki表示,工作上最難忘經歷是舊年國際騎師錦標賽:「以往呢個賽日,場內會放煙火,人頭湧湧,氣氛熱鬧。不過,喺新冠疫情之下,馬迷唔可以入場,最記得當晚群駒轉彎入直路時,現場鴉雀無聲,十分難忘。今年疫情轉趨緩和,預期到時有最少數以千人計馬迷觀賽,相信屆時氣氛較舊年熱鬧。」

相關字詞﹕馬會

上 / 下一篇新聞