港聞

父涉姦女脫罪 事主疑遭教唆改口供 父收押所吩咐妻:「聽老公講唔好返嚟」 (17:26)

少女X約4年前疑遭父親強姦及非禮,案件開審前被母親帶往深圳,返港後作供改稱性侵一事純屬虛構,父親最終脫罪。5名親屬涉指示少女改口供,被控串謀妨礙司法公正等罪,案件今(23日)在高院續審。庭上播放荔枝角收押所的探訪片段,顯示X父曾向X母說:「你聽老公講,堅定做人,唔好返嚟喇,唔好聽電話」。X母當天下午便帶X前往深圳,缺席了審訊。

5名被告為事主X的父親(44歲)、母親(42歲)、祖母(67歲)、叔叔(39歲)及祖父(65歲)。首次探訪片段是2018年10月8日,X父手持報告,向X的祖母表示,「處女膜仲係度呀,冇性交痕迹,冇傷口」。他堅稱法醫沒有在X的陰道找到他的精液及DNA,更哭道:「我真係冇做到呀,阿媽。」

至同年10月20日,X父向探望他的X母貼近玻璃低聲說,「我未出嚟,你哋都唔好返嚟」、「我出嚟搵醫生證明你哋病就得啦」。X母一度痛哭,X父向她稱,「唔洗喊,全世界都咁樣架」,當天下午X母便帶了X離港。

相關報道:

父涉姦女脫罪事主疑遭教唆改口供 「細個唔識諗」寧續被強姦不欲母弟委屈(7月22日)

父涉強姦女兒罪脫 事主疑遭教唆改口供:祖母送禮要求庭上詐傻扮懵(7月21日)

父涉強姦女兒罪脫 疑與妻等4親友教唆事主改口供 控串謀妨礙司法公正(7月12日)

相關字詞﹕串謀妨礙司法公正 強姦 編輯推介

上 / 下一篇新聞