港聞

Emily Online|何俊仁還押瘦4公斤 每日洗衣房「返工」 早晚洗地感吃力 (22:39)

現年69歲嘅民主黨前主席何俊仁涉前年10‧1非法集結案,5月18日起還押至今。民主黨前成員、屯門區議員朱順雅今日(5日)陪同何俊仁嘅屋企人,去到何俊仁被調到嘅新院所探佢。朱順雅引述「仁哥」話,過去兩日要接受「迎新」訓練,今日起要到洗衣房「返工」,負責摺衫及燙衫等工作,仲有一早一晚各洗地半小時。佢話用力洗地頗感吃力,其他工作尚算可應付,強調「唔太辛苦」。朱順雅形容何俊仁睇落消瘦咗,仁哥透露瘦咗4公斤。

何俊仁2017年患上初期肺癌,六分一肺部組織被切除。朱順雅喺facebook話,認識仁哥廿多年,洗地等工作佢唔擅長,而且仁哥差唔多70歲,做過兩次大手術、近年曾患癌,雖已康復,「但連續擦地半小時,怎也不是輕省的工作,聽後心亦難過」。何俊仁答應親友會好好照顧自己,唔會令人擔心。

相關字詞﹕何俊仁 民主黨 非法集結 編輯推介

上 / 下一篇新聞