港聞

新冠肺炎.Emily Online|8個月內近200公務員染疫 警隊最多達27宗 (23:10)

立法會財委會下周將舉行特別會議,審核政府2021/22財政年度開支預算,政府部門近日開始回覆議員早前提交嘅書面提問,其中公務員事務局話,上年7月中起要求各局或部門呈報員工確診新型冠狀病毒數字,截至今年3月15日錄得197宗,當中最多人感染嘅部門係警務處,有27宗。

第二多人確診新冠病毒嘅部門係消防處,有23宗;之後就係有19人確診嘅康文署、14人確診嘅食環署。房屋署、衛生署、司法機構等多個部門,亦有員工確診。

公務員事務局話非常關注僱員職安健,包括實施特別上班安排期間,除提供緊急同必須公共服務及參與抗疫嘅人員外,其他政府僱員會按實際運作需要盡量在家工作,以減少社區人流同社交接觸,有效阻止新冠病毒喺社區傳播。為保障員工同家人嘅健康同安全,各部門首長已獲指示為前線、從事高風險工作嘅人員,安排新一輪特定群組檢測。

相關字詞﹕警察 新型冠狀病毒 新冠肺炎 確診 公務員事務局 公務員 警務處 編輯推介

上 / 下一篇新聞