5歲女童疑遭生父和繼母長期虐待致死,案件今(25日)於高等法院繼續。繼母第二日出庭自辯,自言「我真係攞個心出嚟惜佢哋(女童及其兄長),我嫁得畀我先生,就愛佢所生嘅小朋友,我真係好想教好佢哋!」繼母自言在女童死前一個月,已經沒有責打女童,「望到佢好多瘀傷,我都好心痛、好內疚……如果再打就有新傷口」。19:28報道:繼母認罰女童捱餓3日:我做得唔啱,但我覺得佢對抗緊我
案中事主為女童Z及其兄長X,兩童的生父及繼母被控謀殺,繼外婆被控4項殘暴對待兒童罪。繼母在庭上憶述Z逝世當日,她坐在地上擁抱Z入睡。Z原本面露微笑,突然說「媽咪,我好驚啊!」,之後毫無反應地躺下。
根據生父與繼母的微信對話,繼母案發時三度談到要殺掉Z或X,例如「我真係好想殺咗佢哋」。繼母在庭上強調,她從來無意殺死兩兄妹,「我只係好嬲,想表達當刻嘅情緒、感受」,所說的全是悔氣話,旨在發泄壓力。
此外,繼母亦在對話中表明不想與Z獨處,「一淨返我哋兩個,我就覺得好想死」。繼母解釋,她每次面對Z都承受不少壓力,因為Z對她不瞅不睬,「我畀佢食一日三餐,畀埋甜品、宵夜佢食,佢都會偷嘢食,我真係唔知點教好佢」。
辯方向繼母提問時,多次提及Z與X與父母相處的點滴,例如繼母會為X慶祝生日,Z亦親自設計生日卡予繼母。根據微信對話,繼母收到Z的生日卡後,向其丈夫表示「佢有心已經好啦,我好開心」。繼母在庭上談及此事,一度哽咽。
另根據繼母與其友人的對話內容,繼母揚言Z大便失禁是「特登唔出聲,走去屙」。繼母解釋,Z死前3至4個月前已有大小便失禁的問題,「我問佢點解,佢話特登屙、特登瀨,目的係想激嬲我!」繼母稱覺得Z有心作對,要與她對抗。聆訊午續。
5歲女疑受虐亡 相關報道:
繼母自辯認要負最大責任:佢點錯都好只係小朋友,我係大人 (3月24日)