【21:39更新】本港新型冠狀病毒疫情持續差不多一年，大家都習慣咗出入要戴口罩。食物及衛生局長陳肇始今（8日）就政府進一步收緊防疫措施開記者會，其間有傳媒發現佢疑似將口罩反轉咗戴，問佢係咪戴錯咗，不過陳肇始無回應；到記者會完結，在場記者再一次追問，陳肇始只係行咗去，無作回覆。
睇相所見，陳肇始戴住嘅口罩橡筋帶向外，印喺口罩上嘅英文字母就反轉咗。
食物及衛生局新聞秘書今晚回覆，話陳肇始喺記者會就嚟完結嗰陣先知口罩內外反轉；基於衛生考慮要妥善處理用過嘅口罩，加上記者會就快完，所以無即刻換口罩，而陳肇始離開會場後已盡快妥善處理口罩。
戴口罩貼士：底層吸水 面層防水 戴錯口罩 病菌有「隙」可乘
片段中，於1:15:30及1:21:41陳肇始被問及佢嘅口罩係咪反轉咗戴：