前香港眾志秘書長黃之鋒、主席林朗彥及成員周庭，因去年6．21包圍灣仔警察總部，被控煽惑他人參與未經批准集結等罪名，上周認罪，還押至周三（12月2日）判刑。周庭今日（29日）透過探訪朋友轉述獄中情況。首次還押嘅周庭話，呢幾日精神唔太好，因為天氣轉涼，晚上瞓得比較差，身體都有啲不適。周庭又話，失眠時會諗番起，當日喺庭上裁判官表明唔會考慮判社會服務令，佢話真係覺得好委屈。「心裏亦明白，星期三很有可能會判監，所以情緒都唔好，會好擔心。」12月2日報道：周庭首入獄囚10月
至於曾嘗囚牢嘅黃之鋒，日前被單獨囚禁，囚室24小時着住燈，令佢難以入睡。鄒家成今日去探完黃之鋒後報平安，話黃之鋒出返大倉之後個人都精神咗，叫大家唔使擔心，話黃之鋒只係黑眼圈大咗啲！鄒家成形容黃之鋒係「黐線佬」，在囚期間仍然掛住外邊嘅「公事」、「憂國憂民」，話黃之鋒雖然冇特別交低有咩要同外界講住，但話感覺就係，佢叫大家要堅持落去，唔好放棄。
相關報道：
黃之鋒facebook：黃之鋒被指腹內有異物 囚醫院單人室「廿四小時亮燈難入睡」