港聞

巴士情殺案被告:遭拒飯敘感被嫌棄 事主「應承唔會再丟低我,但都係丟低我」 (15:05)

3年前一輛行駛中的城巴發生命案,升讀理大護理學士課程的女乘客遭捅33刀致死。其任職助理工程師的男友早前否認謀殺,案件今(25日)在高等法院續審,被告繼續出庭自辯。他供稱,事主案發前6日曾帶他回家吃飯,形容當時感意外,覺得二人已經和好。惟當事主母親邀請被告再飯敘,而遭事主拒絕時,被告有感「其實都係佢嫌我配唔起佢啫」。被告又形容事主不時先行掛斷電話,令他感「大家都係扮好返」,「(事主)應承唔會再丟低我,但都係丟低我。」

被告吳欣鍵(現年25歲)被控於2017年9月16日謀殺李倩姮(終年20歲)。他供稱,曾在女友不知情下,在成人網站搜尋女性自拍的片段,以查閱女友是否片中人,「想知佢哋有冇背住我同其他男人咩囉」,形容自己曾在一、兩個晚上之內,閱畢數千段影片。他同時不欲介紹事主予朋友認識,「如果朋友追Annie(事主洋名),點算」。

被告稱,他自2017年7月開始任職助理工程師,形容工作性質簡單,但對工程師的職業發展沒太大幫助,「每日係地盤行嚟行去,做地盤佬......其他同學畢業,著西裝、涼冷氣,嗰啲就真係工程師。」他又稱,事主其後獲大學取錄,與朋友到越南旅行時甚少回覆短訊,令他「覺得Annie未來做護士,睇唔起我係地盤佬」,形容自己同年8月工作表現轉差,經常被上司訓斥,並需要靠其他同事「執手尾」。

他續稱,事主至同年9月提出分手,他感到「驚,驚佢唔同我一齊,諗唔到冇咗佢生活點過」,形容自己曾打算在盂蘭節當日自殺,「聽過啲人話盂蘭節死嗰啲人投唔到胎,投唔到胎唔再有下一世,唔使咁辛苦。」他其後接聽事主來電,並與對方見面,事主當時邊哭邊擁抱被告,稱假如被告「死咗我點算」。

巴士情殺案 相關報道:

工程師否認城巴插33刀謀殺女友 控方:「控制狂」被告分手後性愛片段威脅事主(10月20日)

工程師涉巴士上33刀殺女友 精神科醫生:被告情緒大起大落不符抑鬱症狀(11月3日)

相關字詞﹕謀殺 城巴 編輯推介

上 / 下一篇新聞