港聞

Emily Online|財委會延後半小時就建制派晤林鄭月娥?陳健波:此前要開內會 (21:36)

立法會財務委員會會議聽日延後半小時、至下午3點半先開會,有網媒報道話係要遷就建制派同特首林鄭月娥會面。不過,財委會主席陳健波向Emily澄清,係同財委會前兩點半開嘅內會有關,因為聽日內會議程比較多,半個鐘未必夠,所以財委會先喺3點半開會。

陳健波又話,有人批評佢上個星期喺財委會中途放小休,事實上佢一向都有咁做,因為財委會要開幾個鐘,就算佢唔使去洗手間,啲工作人員都要去啦。

陳健波補充,自己都會參與同林鄭月娥會面,所以會搵財委會副主席陳振英主持會議。

相關字詞﹕立法會 陳健波 編輯推介

上 / 下一篇新聞