政府推出「安心出行」流動應用程式(App),市民噚日(16日)開始就可以下載同掃描二維碼,登記曾經去過場所同乘搭嘅的士。衛生署衛生防護中心傳染病處主任張竹君今日(17日)喺疫情記者會中,有記者就係問今日公布初步確診嗰位的士司機有冇裝「安心出行」App,張竹君就話要問嗰位的士司機,但就話自己就裝咗,不過未有機會去公眾地方。
其實𠵱家疫情仍然持續,張醫生一向都呼籲市民,避免去太多公眾地方,相信除咗返工在辦公室同放工返屋企之外,佢都未必會周圍去。
醫院管理局總行政經理劉家獻話,佢都有裝「安心出行」App,好多醫院唔同位置都有「安心出行」二維碼,鼓勵市民盡快下載嗰App,去到唔同公立醫院見到嗰二維碼都可以「嘟一嘟」,記錄出入醫院紀錄,有需要追蹤個案都可以方便大家。
相關報道:
再有的士司機初步確診源頭不明 莊士倫敦廣場日更保安染疫疑更衣室播毒
理大研究:10月疫情始於尼泊爾印度輸入 涉酒吧院舍Staycation群組 料1/4個案機場走漏