港聞

Emily Online|邵家臻出新書自我審查:唔會隨便「送頭」 (23:05)

社福界立法會議員邵家臻出新書《帶一本書去坐監》,內容講述佢出獄後面對嘅議會、街頭抗爭等議題。邵家臻話本書嘅出版多災多難,憶述喺今年7月初已經準備好攞本書去印,點知到7月3號原本要交畀印刷商,但出版社臨時通知話《港區國安法》生效後「紅線處處」,呢本書暫時要停一停。

邵家臻話,都明白出版社有顧慮,後來經公民黨立法會議員郭榮鏗介紹,搵咗另一間出版社。喺正式付印前,阿臻先將本書畀大律師望過,最後喺8.31太子站事件一章,自我審查刪去「蒙面警」3個字。佢話,國安法下當然會有壓力,所以𠵱家喺議會抗爭中,都唔會隨便「送頭」。阿臻認為如果要再次入獄,一定要係因為比「佔中」更有意義嘅事情。

其他報道:涉騙女投資者逾千比特幣獲利1120萬 比特通創辦人受審稱事主自願

其他報道:3人「私了」內地漢傷人罪成 判囚15個月至4年 官:私刑履行公義與黑社會、惡霸無異

其他報道:女生藏白電油被改判社會服務令 上訴庭:裁判官僅索取感化報告不可取

相關字詞﹕社福界立法會議員 邵家臻 新書 帶一本書去坐監 印刷商 出版社 港區國安法 編輯推介

上 / 下一篇新聞