港聞

Emily Online|旅發局照籌備倒數煙花盼成事 推360度短片宣傳香港 (00:00)

舊年反修例運動下無咗除夕倒數煙花,今年新型冠狀病毒疫情下國慶無煙花,雖然未知年底咩環境,但旅發局嘅秋冬計劃暫時無叫停,總幹事程鼎一話,繽紛冬日節同除夕煙花倒數會繼續籌備,希望搞得成。

家陣世界各地嘅人都無得旅行,為保持香港曝光率,旅發局整咗條VR360片段,下個月推出,航拍香港嘅青山、綠水同田野,仲可以畀人360度調校角度,例如可以從山頂望落山腳,又可以由山腳望番上山頂,鍾意點睇都得,等外國旅客無得嚟香港都可以睇吓片。

除咗吸引旅客,旅發局亦鼓勵港人遊香港,程鼎一提議「既然無法去旅行,不如自救」。佢話等待疫情回穩,政府放寬限聚令至二三十人,將會推「賞你遊香港」,港人消費滿指定金額,初步構思可憑800至1000元單據,換約4小時本地遊,包一餐同交通,設1萬個名額,可以揀約50個行程,包括三級歷史建築「F11 Foto Museum」、大澳蝦膏工場等。

政府同唔同地方傾緊旅遊氣泡同健康碼,程鼎一估計大灣區較快開到,旅發局會就此推廣,以商務旅客及年輕客為目標,配合推優惠,並強調本港衛生安全,正構思衛生防疫指引畀旅遊、零售、餐飲業,以便旅客辨識,等旅客放心。

其他報道:內地商人兩違檢疫令出外跑步買日用品 認罪囚兩周

其他報道:竹篙灣迪士尼毗鄰二期用地認購權不獲延期 政府倡集中發展現有園區











相關字詞﹕旅發局 煙花 除夕 倒數 旅遊 大灣區 本地遊 旅遊氣泡 健康碼 編輯推介

上 / 下一篇新聞