港聞

Emily Online|內地檢測隊歡送儀式唱《東方之珠》 向港人送祝福【短片】 (23:47)

協助本港進行全民檢測嘅內地檢測隊噚日(14日)完成任務,港府今午(15日)舉行歡送儀式,一眾隊員大合唱一首《東方之珠》,為港人送祝福。特首林鄭月娥夜晩喺facebook撰文感謝國家隊,仲特別點名負責檢測項目嘅公務員事務局長聶德權,話睇嚟聶德權「在領導這個大規模的社區檢測計劃,也發揮了他的新聞觸覺和用好了他在醫護界的網絡」。

林鄭月娥喺文章亦有感謝食物及衛生局長陳肇始、創新及科技局長薛永恒、民政事務局長徐英偉、發展局長黃偉綸,同埋公務員同事。林鄭月娥話,579名内地醫療衛生同檢測人員,放低自己手上嘅工作來港,喺兩星期內精準地完成約180萬個檢測,令人敬佩同感動。

為表謝意,林鄭月娥話特區政府為支援隊每個成員準備咗一個小禮包,包括一啲香港景色嘅明信片,希望待疫情過去,佢哋可以同家人到香港旅遊,等港人一盡地主之誼。

[政制及內地事務局facebook影片]

相關字詞﹕內地檢測隊 林鄭月娥 東方之珠 編輯推介

上 / 下一篇新聞