港聞

【Emily Online】財庫局前政助「10A狀元」楊寶蓮轉任亞洲企業領袖協會項目總監 (22:35)

政府喺4月大換班,財經事務及庫務局長由劉怡翔換上許正宇,而局長嘅政治助理、會考「10A狀元」楊寶蓮無幾耐就宣布辭職,離開政府。前任行政長官及政治委任官員離職後工作諮詢委員會今日(24日)公布楊寶蓮嘅新動向,佢下周一(27日)會出任亞洲企業領袖協會嘅項目總監。委員會認為,楊寶蓮離職後擬擔任嘅工作唔會構成任何潛在嘅利益衝突。

楊寶蓮最為人熟悉為佢喺2003年嘅會考「10A狀元」,加入政府前喺多家金融機構任職研究工作。而佢未正式遞信辭任政助,4月就已經喺自己facebook事先張揚會離職,5月26日正式離開政府。

亞洲企業領袖協會工作包括舉行論壇,研究能源、環境、公司管理和創新政策等議題,希望提高亞洲地區經濟增長同競爭力。

其他報道:元朗亞玉冰室老闆再度遇襲 警拘4人涉傷人疑與債務問題有關

其他報道:懲教署因新冠病毒疫情暫停議員公務探訪 約190民主派聯署促安排「視像探訪」

其他報道:義載司機車廂涉管有伸縮警棍雷射筆 被裁罪名不成立

相關字詞﹕財經事務及庫務局 政治助理 楊寶蓮 辭職 離職 亞洲企業領袖協會 項目總監 編輯推介

上 / 下一篇新聞