港聞

新冠肺炎.Emily Online|張竹君普通話原來咁靈光【短片】 (21:30)

今日(21日)疫情記者會上,有鳳凰衛視記者用普通話向衛生防護中心傳染病處主任張竹君提問,嗰記者仲好貼心叫張竹君可以用廣東話回答,點知張竹君毫不猶豫用非常靈光嘅普通話回答。其實張竹君唔係第一次「表演」普通話回應,以往疫情記者會佢都有用過普通話答問題。

Emily就覺得張竹君嘅三語真係非常唔錯,不過今日佢回應另一個提問講到「張弛有度」時,唔小心講錯咗做「鬆弛有度」,搞到佢自己都忍唔住笑,仲笑到唔見咗對眼。

疫情期間,特首林鄭月娥、食物及衛生局長陳肇始同其他政府官員都不時將「張弛有度」掛喺口邊,陳肇始話呢個係政府嘅防疫策略。Emily查返字典,「張」係指拉開弓弦,「弛」係放鬆弓弦,而「鬆弛有道」就會唔同咗意思。

呢排疫情好嚴峻,搞到醫護壓力好大,噚日仲搞錯咗確診病人身分,張竹君都非常擔心本港疫情,Emily見到佢笑真係好難得,希望市民要同醫護合作,盡可能留喺屋企抗疫。

張竹君 相關報道:

【Emily Online】張竹君不開記者會仍上班 連續82日返工因要「睇檔」(4月29日)

【Emily Online】張竹君逾兩月冇放假 稱「好多同事都係」「我可能仲係好啲嗰個」(3月30日)

新冠肺炎 相關報道:

64歲陪診員確診 曾到九龍區多間老人院 傳染期接觸約7名長者

近7天確診者曾到訪食肆、街市、商場、酒店名單一覽

本港增61宗確診 58宗為本地個案25宗源頭不明

相關字詞﹕新冠肺炎 新冠肺炎確診 新冠肺炎測試 新冠肺炎香港 新冠肺炎疫情 新冠病毒 新型冠狀病毒 新型冠狀病毒肺炎COVID-19 新型冠狀病毒肺炎 新型冠狀病毒疫情 新型冠狀病毒香港 抗疫新階段 編輯推介

上 / 下一篇新聞