即時港聞

【Emily Online】「港區國安法」人大一票反對 田北辰稱投贊成票 (19:50)

第十三屆全國人大代表會議今午(28日)以2878票贊成、1票反對、6票棄權,通過制訂「港區國安法」嘅《決定》草案。台灣網民瘋傳,係港區全國人大代表田北辰投下反對票,仲話會永遠懷念佢。田北辰接受Emily查詢就否認呢件事,佢強調自己係投贊成票㗎!

田北辰話,經過呢7日全國人大會議嘅討論,加上見到香港立法會審議一條咁簡單嘅國歌法,議員都搞到要搬埋入立法會住,如果香港要為保障國家安全搞《基本法》23條立法,相信香港弱勢政府無能力處理政治事件。佢擔心香港未有國安法嘅話,新型冠狀病毒疫情過後,啲「暴力分子」又走番出嚟,香港會繼續亂落去。

田北辰解釋,自己重視程序之餘,都會為大局着想,所以最後決定支持制訂「港區國安法」嘅《決定》。佢話,雖然審議期間發生小插曲,文本加入禁止危害國家安全「活動」字眼,佢提出關注後主席團都有深入討論,仲回覆佢解釋,如果有宣揚港獨嘅活動,即使有人去參加但無任何相關行為,都有問題,重點係事件嘅本質係咪同「港區國安法」要禁止嘅四大範疇有關。

港區國安法 相關報道:

全國人大表決通過制訂「港區國安法」【短片】

日本外務省:深切憂慮港區國安法 會與別國合作應對

美要求聯合國安理會就香港問題開會 中方斷言拒絕

民主派批評侵蝕民主自由 毛孟靜:香港時代的終結

建制派堅定支持全國大人決定 梁君彥:冀市民以務實態度面對

相關字詞﹕國安法 港區國安法 港版國安法 23條 23條立法 國安法香港 基本法附件三 香港國安法 國家安全法 人大 基本法 國安法內容 人大會議 一國兩制 基本法23條 田北辰 編輯推介

上 / 下一篇新聞