本港新型冠狀病毒確診個案數字今午(3月31日)累計超過700宗,公眾擔憂公立醫院病房爆滿。港島東醫院聯網總監陸志聰今早出嚟同大家講述病房情況嗰陣,有眼利嘅傳媒發現佢戴住條心心花紋呔,竟然暗藏粗口!陸志聰知道之後都大吃一驚,仲話自己可能要驗眼。
陸志聰條心心圖案呔,遠睇無乜問題,近啲望就會發現啲線條原來係字母,夾埋就係一個「FXXKYOU」字眼。
Emily問佢條呔做咩咁鬼馬,佢笑笑口話條呔係朋友送嘅,已經戴咗幾年,好鍾意條呔,一直都唔知道原來「暗藏玄機」。今日襯埋粉紅色恤衫,係想派吓「心心」畀記者行家,又讚發現粗口嗰位攝影記者眼利,「可能我要搵眼科醫生驗吓眼」。
新冠肺炎 相關報道:
相關字詞﹕抗疫新階段 新冠肺炎 新冠病毒 新型冠狀病毒肺炎COVID-19 新型冠狀病毒肺炎 新型冠狀病毒疫情 新型冠狀病毒香港 2019冠狀病毒病 醫管局 港島東醫院聯網總監 陸志聰 編輯推介