新型冠狀病毒疫情下，馬會今日（22日）安排閉門作賽，喺沙田馬場舉行香港打吡大賽，由騎師何澤堯策騎嘅「金鎗六十」勇奪冠軍。今次係自1995年告東尼後，首次有本地土生土長騎師贏到呢項歷史悠久大賽，更係香港賽馬自1971年轉為職業化以來，首次由全華人組合（馬主、練馬師、騎師）揚威香港打吡大賽。
何澤堯賽後話，心情難以用筆墨形容，感謝幕後團隊努力，仲有馬主、練馬師支持，佢話今次夢想成真，「希望我嘅故事，能夠激勵其他人勇敢追夢」。
四歲嘅「金鎗六十」自去年3月起在港出賽，至今取得10捷佳績；由練馬師呂健威訓練，馬主係陳家樑，全屬華人。