香港口罩荒持續,特首林鄭月娥之前話,政府正全力喺各地採購口罩。香港眾志繼之前由美國購得10萬個口罩後,喺海外港人協助下,成功喺中美洲搵到貨源,宣布有120萬個口罩成功清關,送到香港境內。
今次香港眾志喺中美洲國家洪都拉斯成功購入120萬個口罩,採購開支高達七位數字,眾志話有賴民主派政黨幫忙共同出資,有3架貨車數量咁多嘅口罩,一星期前由洪都拉斯出發,經美國邁阿密同台北,轉機之後成功送達香港。
眾志透露,呢批口罩會透過幾十個無黨籍及素人區議員幫忙,將口罩交到市民手上,強調未來幾個月會繼續動用全球國際連結網絡蒐羅各類資源,實行民間自救。
武漢肺炎 相關報道:
鑽石公主號350港人乘包機周四返港 李家超:自行返港亦需檢疫14天
相關字詞﹕武漢肺炎 新型冠狀病毒肺炎COVID-19 武漢肺炎確診個案 武漢肺炎香港 武漢肺炎疫情 新型冠狀病毒 新型冠狀病毒感染 武漢封城 新型冠狀病毒肺炎 武漢 香港眾志 洪都拉斯 編輯推介