港聞

【武漢肺炎.Emily Online】情人節健康建議? 張竹君笑答:若不適盡量避見 (18:30)

新型冠狀病毒疫情下,大家都好努力減少同其他人接觸。今日(13日)喺衛生防護中心嘅記者會上面,有記者就問中心嘅傳染病處主任張竹君,喺聽日(14日)情人節呢個「可能會帶嚟好多親密接觸嘅節日」,可以提供咩健康建議畀市民?

張竹君、同場出席記者會嘅醫管局總行政經理(病人安全及風險管理)何婉霞,仲有在場嘅唔少記者,聽到呢條問題都忍唔住笑。張竹君同何婉霞分別回應嗰個記者問嘅其他問題之後,都唔記得咗要講情人節健康建議,要記者提番先醒起。

張竹君又再笑一笑,之後話「多人聚集就盡量避免啦」,但佢都明白一齊生活或好親密嘅人,係好難「全時間」有社交距離,所以唯有呼籲大家,如果情人節當日自己或對方唔舒服,就盡量避免見面或戴住口罩見啦。

武漢肺炎 相關報道:

在家工作少人送花 花店情人節訂單減九成

本港增一確診 患者從事保險 3客戶或要檢疫

初步確診母子曾與康美樓病人聚餐 拒撤走住戶獲優先檢查喉管

楊潤雄:全港學校不早於3.16復課

政府特別上班安排延至2.23

相關字詞﹕武漢肺炎 新型冠狀病毒肺炎COVID-19 武漢肺炎確診個案 武漢肺炎香港 武漢肺炎疫情 新型冠狀病毒 新型冠狀病毒感染 武漢封城 新型冠狀病毒肺炎 武漢 情人節 衛生防護中心 張竹君 健康建議 口罩 編輯推介

上 / 下一篇新聞