港聞

【Emily】學生去信英女王盼與港人connect (19:30)

一班伊利沙伯中學嘅學生最近寫咗一封公開信畀英女王伊利沙伯二世,希望英女王可以表態支持港人爭取民主同自由。啲學生話,已經將封信寄去英國白金漢宮,希望可以同英女王喺香港危機上 「connect(連繫)」。

伊利沙伯中學喺1954年創立,建校構思源於1953年,當年正值英女王伊利沙伯二世登基,所以中學因此得名。呢班伊利沙伯中學嘅學生話自己背負英女王之名,謹遵校訓「修己善群」嘅教誨,希望喺反修例運動中嘅英國戰線上略盡綿力,所以寫信畀英女王。

班學生喺信裏面話,英國同香港喺歷史、文化、政治同經濟上有緊密連繫,希望英女王可以同香港「站在一起」,一齊捍衛民主同自由。學生仲話,希望英國都可以立一條《香港人權與民主法案》,以回應中國違反《中英聯合聲明》。

逃犯條例 相關報道:

涉理大外暴動 被告投訴警拖延送醫42小時致傷口發炎無法縫針

禁蒙面法被裁違憲 高院頒令暫緩執行判決至下周五

投稿《刺血針》批警理大拘義務醫護 港醫生:其他文明國家幾乎聞所未聞

【逃犯條例・831】涉太子站藏彈弓等攻

相關字詞﹕伊利沙伯中學 英女王伊利沙伯二世 香港人權與民主法案 中英聯合聲明 編輯推介

上 / 下一篇新聞