港聞

【Emily Online】被指逼被捕者家人簽感謝信 天水圍區議會候選人稱抹黑 (19:53)

月初警方在天水圍天澤邨一帶堵路展開清場行動,一度進入私人屋苑嘉湖山莊景湖居,拘捕最少12人,最細嘅被捕人只得12歲。今日(16日)喺景湖居11座大堂出現一封由被捕者家人名義寫嘅感謝信,內容係感謝物業經理及當區區議員李月民。不過有人用筆喺信上寫「我是本人,是被迫簽的,說簽就向警方不起訴我」。有網民上載相片批評「李月民為左(咗)選票可以做得幾過份」,又話有人寫咗上述字眼後,5分鐘後封信就畀保安清走咗。

李月民回覆Emily話係政治抹黑,佢聯絡咗早前被捕嘅街坊,個街坊話無寫過,簽名亦係冒簽,同李月民講唔好意思。

李月民話,當日被捕嘅12人,其中兩人係梁小姐同佢個女,梁小姐除寫信感謝物業經理協助,都有另一封信寫畀佢。佢批評,管理處「懶醒」貼咗封信出來,佢見到畀人寫上咁嘅抹黑字句,都有向管理處講收番埋封信,而最後係管理處自己決定清走封信。

李月民係嘉湖北選區候選人,對手有陶皜訊同埋伍健偉。

其他報道:商台記者疑被射海綿彈 記協譴責警濫用武力籲整肅警隊

其他報道:任內最後一次主持警校結業會操 盧偉聰:警隊滿意度屢創新高

相關字詞﹕天水圍 天澤邨 嘉湖山莊 嘉湖北 警察 區議員 李月民 區議會選舉 區選 編輯推介

上 / 下一篇新聞