港聞

【Emily Online】中大生自製入閘機 同學即場試「跳閘」 (22:50)

反修例風波下,唔少網民近日不滿港鐵,發起「跳閘」行動,話唔想畀港鐵賺錢。Emily今日路過中大,喺文化廣場見到有部1比1嘅木製入閘機!唔少同學圍住部機熱烈討論,仲有同學即場「試用」𠻹。

原來入閘機係有同學自發製作,並將製作剪輯成影片。片段中同學提到自己好鍾意呢啲入閘機,又見到特首林鄭月娥咁關心入閘機受損,所以決定整番一部,強調完全唔鼓勵任何人做犯法嘢啊!呢位同學大約花咗16個鐘製成入閘機,話呢部機好安全,例如入閘位用咗海綿棒整成,即使撞到都唔怕受傷。入閘機亦有部iPad mini,話會放播放一啲港鐵點近日嘅片段等等喎;大家亦可以喺機身貼memo紙,寫低心聲。

呢位同學同Emily講,其他朋友仔都有幫手一齊整。佢話,呢部入閘機係一件藝術品,最主要係希望喚起大家多啲關注近日係港鐵發生嘅事啊。

另外,中大大學站旁嘅民主女神背部就被人塗污咗,中大法律反送中關注組對此強烈譴責,亦呼籲同學聽朝(周五)一齊幫手清潔民女,話要喺八月十五還民女一個乾淨嘅八月十五喎。

其他報道:美共和黨參議員促特朗普政府 阻曾偉雄任聯合國要職

其他報道:中資背景范鴻齡掌醫管局 員工:憂變「國泰翻版」 醫局中人:他願聽意見

其他報道:瑪麗醫院醫生手提電腦失竊 載有360名病人資料

其他報道:中大校內遊行 中醫學生促取消內地實習 中文語言兩系學生要求釋除雙學位課程疑慮

相關字詞﹕港鐵 入閘機 跳閘 編輯推介

上 / 下一篇新聞