港聞

【Emily Online.短片】前線警叫市民「曱甴」 江sir承認:唔太理想欠尊重 (00:13)

反修訂逃犯條例》風波引發連場衝突,警民對峙局面屢現,「黑警」、「曱甴」叫聲不絕於耳。喺周二(27日)警察例行記者會,有傳媒問到唔少前線警員叫示威者、街坊同記者做「曱甴」,警方點樣演繹呢個名呢?

警察公共關係科高級警司(媒體聯絡及傳訊)江永祥回應嗰陣,無直接講出「曱甴」二字,但江sir話溝通在乎互相尊重,警員用嘅嗰個叫法係「唔太理想、尊重方面欠奉,呢個我哋係承認嘅」,強調警方會提醒同事用「大家都可以接受到嘅稱謂」。

江sir又順便反映,喺呢兩個幾月行動入面,無論市民定係警員都「有壓力」,喺直播片段見到有示威者同市民會用「挑釁說話針對我哋同事」。江sir希望大家諒解,「正如我話齋,溝通係互相尊重嘅」,但佢都強調,唔係話市民點叫警員,警員都可以還嘴,「我哋都無辦法啦,我哋要克制忍耐吖嘛」,但佢都呼籲大家以禮相待,「你稱呼一聲市民先生或者警察先生都好,我諗相嗌唔好口」,希望未來日子大家減少摩擦,「少啲爭執,咁成個行動咪和平啲囉,好唔好?」

逃犯條例 相關報道:

警感激市民罅位尋獲遺失子彈 稱周日跌槍或因大雨手濕

女被捕者稱被迫裸體搜身 警:翻查記事冊無要求完全脫內衣

動用《緊急法》? 林鄭:有責任為止暴制亂用法治手段

相關字詞﹕曱甴 逃犯條例 香港逃犯條例 移交逃犯 修訂 影響 諮詢 台灣 引渡條例 協定 商界 修訂逃犯條例 移交逃犯內地 中港移交逃犯 立法會 香港引渡協議國家 保安局 遊行 反修例 反修例遊行 示威 林鄭 林鄭月娥 政府 警察 警察公共關係科 江永祥 編輯推介

上 / 下一篇新聞