港聞

【DSE放榜.Emily Online】DSE放榜日料有驟雨雷暴 天文台fb出帖為考生打氣 (21:14)

星期三(10日)就係一年一度嘅中學文憑試(DSE)放榜,相信唔少應屆考生可能都緊張緊自己嘅成績。天文台預測,一道低壓槽會逐漸靠近廣東沿岸,預料星期三會有驟雨及幾陣狂風雷暴。如果考生有意去各間院校報名,就記得帶定雨具喇!

另外,天文台仲喺facebook發帖,整咗個「DSE放榜留言打氣區」,畀各網民留言支持應屆DSE考生。同學仔如果成績理想,當然值得高興;至於考試失手嘅同學,天文台就喺fb帖文套用咗方皓玟《假使世界原來不像你預期》嘅歌詞,「風雨不會沒了期」,提醒大家唔開心嘅時間總會過去,「終於會等到夢寐」,只要保持希望,最後總會做到自己理想嘅事。天文台嘅「度天隊長」都「粉墨登場」,同大家講「I am with you」,希望一眾考生知道,無論放榜結果如何,身邊都會有人支持你哋㗎!

相關報道:【DSE放榜】放榜前夕 專家提醒預設三情况應對 留意課程收生準則

相關報道︰【DSE放榜】12考生奪7科5**成狀元

相關字詞﹕DSE放榜 文憑試 放榜 天文台 天氣速遞 升學 編輯推介

上 / 下一篇新聞