港聞

下一篇
上一篇

【Emily Online.短片】「而家幾點?」 巴裔懲教助理扮陳偉霆拍招募宣傳片 (20:47)

藝人陳偉霆為Chanel拍嘅一段宣傳段,近日喺網上瘋傳,仲引起咗一股模仿熱潮。繼「清潔龍阿德」同「大嘥鬼」後,連懲教署都加入咗扮嘢行列,搵嚟巴基斯坦裔二級懲教助理Saleem Humzah著上黑色外套,拍攝二級懲教助理全年招募宣傳短片。

Saleem喺片段一開頭就仿效陳偉霆條片問「而家幾點?」,不過陳偉霆用英文拍片,Saleem拍嗰條片就主要講廣東話嘅。但片中嘅Saleem都有「魔性笑聲」,都算模仿得幾似吖。佢話自己22歲時申請加入懲教署,「最後我成功咗,我嘅職業生涯就係咁樣開始」,就咁成為咗懲教人員。佢又話二級懲教助理有三大工作:羈管、更生同埋社區教育。去到片尾,Saleem仲用廣東話、英文同埋烏都語話畀大家知,要加入懲教署係「取決於你嘅決心,it's all about determination」。

懲教署將Saleem條片上載到YouTube,附上埋招募資料嘅連結,有興趣嘅市民可以去睇下。

其他報道:【逃犯條例】法政匯思李安然︰立法會日後提升某些罪行最高刑期 即可納入移交

其他報道:【沙中線調查聆訊】禮頓工程師曾因工程問題遭內部審查 事後兩月升職

相關字詞﹕懲教署 招聘 懲教助理 陳偉霆 編輯推介

上 / 下一篇新聞