港聞

下一篇
上一篇

陳婉玉自辯稱遭前夫暴力對待 讚馮永業細心溫柔有風度「令我好舒服」 (16:21)

前經濟發展及勞工局副秘書長馮永業涉嫌收受「賭王」姨仔陳婉玉51萬元「甜頭」案,今(29日)在區域法院續審,陳婉玉出庭自辯。陳婉玉幾度哽咽供稱,她2002年發現前夫有外遇,與前夫談及事件時便會遭暴力對待,需接受心理輔導至今。陳婉玉又稱,自己與馮永業相識後,認為馮永業「好細心、溫柔、令我好舒服、好有風度」,漸感馮永業很吸引,形容與馮永業一起「唔係比較開心,係好開心」。

相關報道:馮永業陳婉玉案 地產經紀作供:二人像情侶卿卿我我

陳婉玉以基督教形式宣誓。她供稱,自己於2002年發現前夫有外遇,與前夫談及事件時便會遭暴力對待,自己亦曾嘗試挽救婚姻及接受心理輔導至今,最困難時需一星期接受輔導3次。

她其後一度哽咽道,自己曾告知前夫「知你出面有個人,你唔需要知點解我知,我知你有個親密朋友,知(上述關係)唔係好耐、幾個月,但我同你結婚19年,我唔信幾個月感情換到我19年婚姻。19年婚姻,我唔介意,只要你返轉頭就得,我唔會追究」,惟前夫沒答應。

陳婉玉指出,家庭對她而言很重要,因「我係要有一個家,一個完整嘅家」,而前夫離開後,由於女兒當時在美國留學,故家裏只剩她一人。她又說,婚姻出問題後自己「冇心機做嘢,心已經碎咗,覺得冇咗個家,冇咗個老公,冇咗個支柱」,形容自己「根本唔想生存喺呢個世界」。

陳婉玉續表示,自己至2003年與馮永業相識,其後會一同私下打網球。被問到當時對馮永業的感覺如何,陳婉玉低頭一會後說:「覺得佢……好細心,拎網球袋時佢幫我拎,我知道溫柔係形容女人,但佢都好溫柔,好gentle,令到我好舒服,好有風度。」

問到馮永業與前夫的分別,陳婉玉形容,前夫脾氣較暴躁、不太理會自己感受,亦不時用粗口罵她。被問到與馮永業一起是否比較開心,陳婉玉回答:「唔係比較開心,係好開心。」

陳婉玉其後談及自己與馮永業前往澳門的「表白旅程」,形容二人吃飯後「大家講啲好sweet嘅說話,同埋係有啲親密啲嘅動作」,她事後亦保留當日的直升機機票,因當日「第一次離港到澳門,表白大家嘅愛意」。

陳婉玉指出,自己常等待與馮永業見面,又同意被稱呼為「馮太」時感開心,因「我知無機會做到馮太」,「知道作為老婆,老公有第三者係好辛苦,所以一開始呢段感情,就話畀自己聽,雖然破壞人哋家庭,我一定唔會、唔會叫佢離婚」。陳婉玉說畢隨即落淚。

西九自由空間6月中開幕設大型黑盒劇場 官方稱場租可負擔

其他報道:【沙中線調查聆訊】地盤主管發現螺絲帽接駁位不合 禮頓工程師指示「照扭,有幾多扭幾多」

相關字詞﹕馮永業 陳婉玉 婚外情 第三者 家暴 編輯推介

上 / 下一篇新聞