港聞

【Emily Online.多圖】fb香港新辦公室啟用 張建宗讚「以員工為本」 (17:33)

facebook喺鰂魚涌太古坊嘅香港新辦公室今日(20日)啟用,一共4層佔地6.8萬平方呎,裝修好有本土特色,例如食堂係仿照傳統大排檔同流動小販卡車裝修,可以一邊欣賞維港海景一邊開餐。政務司長張建宗出席開幕禮,佢話參觀過好多辦公室,唯獨呢度令佢最難忘,係「模範office」,大讚facebook「以員工為本」,可以令人放鬆工作咁話。

張建宗話喺辦公室行咗一轉,已經感受到facebook對員工無微不至,例如免費供應早午餐、小食,仲要係即叫即煮,他感激facebook作為國際科企龍頭,喺香港擴大辦公室大展拳腳,係對香港創科發展「投下信心一票」,更提供唔少工作機會畀香港後生仔投身創科。

Emily今日都有參觀辦公室,覺得大開眼界,現場有遊戲室,提供桌球、籃球機及其他遊戲機,設計亦有本地文化元素,由街頭美食到經典電影甚至口語亦有,連會議室命名都有「本土口味」,例如喺為「獅子山」、「花樣年華」同「煲電話粥」等。

facebook代表同Emily講,辦公司仲有一個亮點,「隱藏」喺書架後面,推開書架原來係一間「秘密休息室」(secret room),以霓虹燈為設計特色,facebook代表話唔同分公司嘅Secret room主題都唔同,香港辦公室就揀咗霓虹燈,係配合香港「東方之珠」嘅城市夜景咁話。

其他報道:龍濤苑法團今拆大坑房協招牌 指回覆遲死線15分鐘拒收信

其他報道:攤分較高管理費 房協入稟高院批喜韻業主法團財政預算不公

其他報道:何君堯荃灣辦事處遭噴漆 警列刑毀調查

相關字詞﹕新辦公室 張建宗 秘密休息室 遊戲室 編輯推介

上 / 下一篇新聞