港聞

下一篇
上一篇

【Emily Online】記協晚宴主席楊健興盼堅持帶來改變 明哥大唱六四回憶 (22:32)

香港記者協會今晚(18日)舉行51周年晚宴,喺海洋公園萬豪酒店筵開60幾席,以「仍然相信」為主題。今年嘅表演嘉賓係歌手黃耀明(明哥),吸引咗大批記者化身小粉絲衝到台前,佢獻唱咗好幾首歌,其中一首仲係關於六四嘅新歌《回憶有罪》,掀起全晚嘅高潮。

明哥話,首歌係前晚先寫好,Emily認真留意咗歌詞,好有意思,例如「如燭光有罪,將暗黑多幾十年」、「回憶即使有罪,真相怎麼敢無言,歷史假使有人,定被發現」,都好值得細細咀嚼。

記協主席楊健興致辭時話,過去一年感覺到港人同國際社會對香港嘅新聞同言論自由愈來愈擔憂,國際機構對香港新聞自由排名持續下降,而根據記協所做嘅新聞自由指數調查,香港已經多年處於不合格水平。佢提到,香港外國記者會邀請香港民族黨召集人陳浩天演講後,發生一連串事件,批評香港政府無維護言論自由,仲帶頭收窄言論同新聞自由,「政治紅線」變得愈來愈「紅」、無處不在。佢強調,公眾掌控資訊多比少好,官員多回答英文問題比重複一個答案好。

楊健興話,記協為記者爭取合理權益,亦爭取新聞自由,喺一國兩制逐漸剩低一條紅線,「我們相信堅持會帶來改變,變得更好」。

記協亦邀請到《當今大馬》聯合創辦人及總編輯顏重慶在晚宴上致辭。

其他報道:【六四30年】當年戒嚴部隊軍官:6月5日見到天安門廣場有血迹 沒看見屍體

其他報道:邵家輝要求引入外勞免「香港執笠」 羅致光:認真考慮

其他報道:調查稱赴大灣區就業憂網絡限制 嶺大副校長倡資訊更流通

相關字詞﹕香港記者協會 記協 周年晚宴 黃耀明 回憶有罪 楊健興 新聞自由 當今大馬 香港外國記者會 民族黨 陳浩天 六四 六四30年 編輯推介

上 / 下一篇新聞